Hopp til innhald

Voss Gondol er den største og mest moderne gondolbana i Nord-Europa. Bana startar ved Voss Stasjon og når endestasjonen ved den spektakulære Hangurstoppen på mindre enn 7 minutt. Voss gondolbane er eit flott knutepunkt og ein av dei beste stadene å besøka i Noreg om du ønskjer å nyta ulike sommar- og vinteraktivitetar.

Hangurstoppen Restaurant

Hangurstoppen restaurant med plass til 450 personar over to etasjar er den største restauranten og afterski-puben på Voss. Ein kan bestilla bord i restauranten til spesielle høve, møte og konferansar. Her får ein servert heimelaga måltid, tillaga med lokale råvarer frå fleire gardar i og rundt Voss.  Med det romslige sitjeområdet utandørs og dei store vindauga har du panoramautsikt og nær kontakt med naturen, og kan gå rett ut i dei mange turstiane rundt restauranten.

Bestill no

Gondol
Sykkel
Vandring
Servering
Landskap
Utkikkspunkt
Fotostopp
Frå kr 395,-

Den største og mest moderne gondolbana i Nord-Europa

Skisport og andre aktivitetar

På den øvste stasjonen ved Hangurstoppen (820 moh.), finn ein område for rekreasjon og sportsaktivitetar. Om sommaren kan du gå fotturar (både korte og lange turar), sykla og driva med paragliding. Om vinteren kan du gå rett ut i skianlegget frå den øvste stasjonen. Det kjem òg skiskule og skiutleige ved den øvste stasjonen. Skianlegget er eit av dei største i Vest-Noreg.

Turaktivitetar

Det er merkte turstiar for alle nivå kring den spektakulære Hangurstoppen og Voss Gondol. Anten du er ute etter korte eller lange fotturar, er Hangurstoppen det perfekte utgangspunktet for fotturar i fjellet.

Ligg ved trafikknutepunktet

Den nedste stasjonen på den nye gondolbana ligg i det nye trafikknutepunktet ved Voss jernbanestasjon (Voss Stasjon, 56 moh.). Endestasjonen ligg ved Hangurstoppen (820 moh.), ved sidan av toppen av ekspressheisen.

Den unike plasseringa ved trafikknutepunktet gjer det enkelt for tilreisande å koma seg til fjells på ein miljøvennleg måte.

Du kan enkelt koma deg til Voss med tog frå både Oslo og Bergen, dei to største byane i Noreg.

Viss du reiser frå Bergen Stasjon, tek det deg 1,5 timar frå du går ombord i toget frå Bergen til du er framme på Hangurstoppen, klar for spennande opplevingar, sommar som vinter.

Den største og mest moderne fjellgondolen

Den nye gondolbana er ei såkalla 3S-kabelbane, det vil seia at ho går på to kablar og eit trekktau. Det gjer henne svært stabil, samanlikna med gondolar som vanlegvis heng på éin kabel.

Bana har eit fritt spenn på 900 meter frå nedste stasjon til den første masta. Det er berre to typar heis som kan ha slike lange spenn. Den eine er ei gondolbane med mange kabinar på den same kabelen, slik som den nye gondolbana på Voss, og den andre er ei hengeskinnebane, som er ei gondolbane der den eine vogna går opp mens den andre går ned, slik som Ulriksbanen i Bergen.

Fakta om Voss Gondol

  • Type: Leitner Ropeways 3S
  • Start: 56 moh.
  • Slutt: 820 moh.
  • Lengd: 2000 meter
  • Kapasitet: 1069 passasjerar per time
  • Talet på kabinar: 9 (maks. 13)
  • Kapasitet per kabin: 34 passasjerar
  • Tid: 6 minutt og 48 sekund eller Litt under 7 minutt
  • Restaurantkapasitet: 450 gjester

Bestill no